Laung hi Ibnu Taymiyyah ha kitab niya Iqtidha’us Siratil Mustaqeem ha tungud sin hadith hi Abu Umamah (ra) ha hal sin pagtulkin:

و روى فى تلقين الميت بعد الدفن حديث فيه نظر، لكن عمل به رجال من أهل الشام من الأولين مع روايتهم له فلذلك استحبه أكثر أصحابنا و غيرهم، فهذا و نحوه مما كان النبي صلى الله عليه و سلم يفعله و يأمر به أمته عند قبور المسلمين عقب الدفن و عند زيارتهم و المرور بهم. هــــــ

Awun kiyariwayat hadith dha’eef ha pasal sin pagtulkin ha mayat puas na mayan hikubur. Sumagawah, iyanggawtaan sin kaibanan mga manusiah ha Sham nakauna sartah iban sin pagriwayat nila sin hadith yan. Dain ha sabab yadtu, hinang SUNNAH sin kamatauran mga pangabay namoh (dain ha Madzhab Hambali) iban na sin kaibanan mga ulama’ dugaing dain kanila. Amu na ini, iban na sin mga parkalah biyah ha ini, in kakahinang amu in lamud dain ha mga hinang sin Nabi (saw) iban piyangdaak niya ha mga ummat niya (hinangun) ha kubur sin mga muslim puas nila magkubur, iban na ha mga pagpanibaw nila kubur iban bang sila makalabay ha mga pakuburan.

In hi Sheikh Taqiuddin Ahmad bin Taymiyah hambuuk alim ha madzhab Hambali amu in kikila tuud sin mga kataymanghuran natuh Wahabi bilang hahagsuan sin mga kamatauran parmasa'alahan ha agama, In kitab niya Majmu'atul Fatawa tanug tuud ha mga kaguruhan natuh iban ha mga madrasah nila. Matarrang na in fatwa sin Sheikh Ibnu Taymiyah ha tungud sin ka-SUNNAH sin pagtulkin. Matarrang da isab in pang-HARAM sin mga taymanghud natuh Wahabi sin pagtulkin.

Anduh isab, misan pa piyagpa-fatwa na sin alim nila, ha tatkalah magsulang da iban sin kabayaan nila, nah hisulak da kailu in fatwa sin alim nila.

Bang mayan isab kitaniyu katan patattapun sin Allah ha laum hidayat Niya. Ameen!